八幡平/安比高原/雫石

Hachimantai / APPI / Shizukuishi

八幡平 - Panorama 全景滑雪場 & Shimokura 下倉滑雪場

八幡平唔似北海道或者長野嘅大規模度假村，反而有一種原始嘅美感。
呢度最大嘅特色就係佢嘅「樹冰原」強風同低溫令樹木結成巨大嘅雪怪（Snow Monsters），
成個山頭好似科幻電影場景咁，滑行其間彷彿進入異世界。  

​

位於「下倉之牆」的鑽石滑雪道最陡峻的部分達37度，非常刺激。

如果想挑戰技術，可以跟我鑽入下倉滑雪場非壓雪區嘅小樹林，呢度嘅雪又厚又軟，跌咗都唔會痛，

而且人少到你會以為成個山頭得自己一個！

東北地區最大的 APPI 安比高原滑雪場，位鄰日本最大的八幡平樹冰地帶，雪道主體向北傾斜，
得益於優越的地理位置而行成的濕度低的「優質粉末雪」！樹林滑行區域擴展到6個區域！ 
 

雫石滑雪場 Shizukuishi -  奧運級雪道與神秘樹林

Shizukuishi可能唔算好出名，但識玩嘅人一定知佢嘅價值，呢度係1993年雪季奧運嘅比賽場地，
雪道設計專業又多元，無論係初學者定高手都搵到樂趣。  

雫石滑雪場以岩手縣最高峰岩手山的壯麗景色而聞名，我最鍾意帶團友去「Grand Prix」雪道，
全長3.5公里，坡度適中，可以一路Carving落山，享受流暢嘅轉彎快感。

​

雫石晨光 Snowcat 秘境之旅
天未光就坐住雪貓車直上雪山之巔，睇住第一道晨光慢慢照亮成個雪場，
腳下係完美無痕嘅粉雪，呢個moment，連呼吸都覺得奢侈！  

​

滑完雪，一定要試吓王子大飯店內高倉露天溫泉，可以俯瞰被稱為南片富士的岩手山。
浸完之後成個人鬆晒，對肌肉疲勞特別有效。夜晚仲可以望住星空，感受雪國獨有嘅寧靜。  

八幡平同雫石最吸引我嘅，就係佢哋保留咗滑雪最原始嘅樂趣 - 冇排長龍嘅纜車、冇過度開發嘅商業感，
只有純粹嘅粉雪、壯觀嘅自然景觀同地道嘅日本山岳文化。
每次帶團見到團友第一次喺呢度滑到靚雪嘅笑容，我就知道，呢個地方值得一再探索。  

如果你都想體驗真正日本滑雪嘅精髓，而唔係同遊客逼爆雪場，岩手縣滑雪場絕對係你嘅最佳選擇！」